Зохиолын гол баатар болох хүүхэд өөртэйгээ ярих ухаарал, нохойтойгоо аминчлах сэтгэлийн шивнээ, бусдын тухай бодрол гэсэн ганцаарчилсан яриа голлож буй юм. Мөн эл туужид хүнд хэцүү амьдрал, бэрхшээл дундаас ухаажин хэрсүүжиж буй уянгын, бодит, гол дүрийг урлан босгосон онцлогтой. Мөн зохиолчийн бага насанд үзэж харсан, танин мэдсэнээ уран сайхны өгүүлэмжид нэгтгэн барьсан тухай дурсамжит тууж юм. Байгалийн бүтээл болсон хүн өсөх наснаас амьтантай нөхөрлөж, түүгээр дамжуулан байгалийн талаар танин мэдэж, бусдыг хайрлах сэтгэл, амьтдыг ойлгох сэрэл мэдэрхүйгээ хэрхэн хөгжүүлж байдгийг энэ туужаас олж мэдэж болно.
Зохиолч: Х.Болорэрдэнэ
Хуудасны тоо: 118
