Хэрэглээний сэтгэл судлаачдийн ажил бол онолын нэр томьёогоор цэцэрхэх биш, хүмүүсийн дунд орж, асуудлыг шийдэхэд оршдог. Тиймдээ ч энэхүү номд, хэрэглээний сэтгэл судлалын ололтууд онолд хэрхэн нөлөөлдөг гэхээс илүүтэйгээр онол нь хэрэглээнд хэрхэн нөлөөлдгийг тодорхой үзүүлсэн байгаа. Ном маань нэг талаараа сэтгэл судлаачдад сурах бичиг болж чадах ч, нөгөө талаараа бодит байдлыг хам сэдэв болгож чадсан учраас энэ шинжлэх ухааныг шимтэн уншдаг уншигчдад сэтгэл судлаачид юу судлах ёстой вэ гэдгийг бус, ямар ур чадварууд, тэр дундаа мэргэжлийн ямар чадвар эзэмших ёстой вэ? гэдгийг харуулах боломжийг олгож байгаа юм. Уг ном маань хэрэглээний сэтгэл судлаачдын өдөр ирэх тусам баяжиж буй гүн бөгөөд өргөн, шинэ санаа, чиглүүлэг авахуйц мэдлэгийн санг бүрэн дүүрэн тусгахыг зорьсон гэдгийг дашрамд дуулгахын сацуу, “Хэрэглээний сэтгэл судлал” -аар дамжуулан бид хүний зан үйлийг урьдчилан тааварлах, тайлбарлахад туслах онолыг бүтээх чадвартай болно гэдэгт бид эргэлзэхгүй байна.
"Хэрэглээний Сэтгэл Судлал: Онолыг практикт хэрэгжүүлэх нь" ном бол сэтгэл судлалаар суралцдаг оюутнуудад энэ шинжлэх ухаан маань лекцийн танхимаас гадна хэрхэн ашиглагддаг, бидний өдөр тутмын амьдралд ямар амин чухал нөлөөтэйг харуулж буй үнэлж баршгүй эх сурвалж юм.
Зохиолч: Д.А. Бекериан А.Б. Леви
Хуудасны тоо: 364
