Уг бүтээлд төв Азийн, цаашилвал Евроазийн Нүүдлийн соёл иргэншил судлалын гол цөм нь болсон Хүннү угсаатан, тэдний байгуулсан анхны төрт улсын дуулиант түүхийг цогц хэлбэрээр өргөн хүрээтэй хамарчээ. Судлаач Я.Ганбаатар нь Хүннү хийгээд түүний өвөг дээдэс болсон эртний нүүдэлчин ард түмнүүдийн тухай өгүүлдэг эртний хятадын түүхэн эх сурвалжуудыг нэгбүрчлэн бүртгэн жагсааж, үзэж судлах явцдаа түүх бичлэгийг урагшлуулан тодотгох боломж байгааг олж харсан байна. Мөн Төв Азийн Нүүдлийн соёл иргэншлийн түүхэнд холбогдох олон үйл явдал, намтар цадиг нэлээд хэмжээгээр тодорч байгаад уг бүтээлийн ач холбогдол оршино.
