Халтар Гичийнхэн овогт Ерөөлдэлгэр хэмээх эсэргүү боловч сайхан сэтгэлтэй, шударга комиссарын тухай Францын зохиолч Ян Маноокын бичсэн энэхүү роман хэвлэгдсэн дороо Европын детектив төрлийн шилдэг зохиолд олгодог шагнал олныг авснаас нэрлэвэл, алдарт "ELLE" сэтгүүлийн уншигчдын Гран При, "Quais du Polar" хэмээх алдартай олон улсын наадмын Шилдэг зохиолын шагнал гээд үргэлжилнэ. Франц зохиолчийн Монгол орон, Монголчуудын зан араншин, ёс заншлыг маш нарийнаар мэдэрч бичсэн адал явдалт энэ зохиолд хатуу тавилангийн эрхээр амьдралд нухлагдаж байгаа ч хүн чанараа гээгээгүй мөрдөгч Ерөөлдэлгэр хэрхэн газрын наймааны хуйвалдааны золиос болж, өөрийн охиныг алдсан ч гэсэн бяцхан гадаад охины амь үрэгдсэн шалтгааныг мөрдөж илрүүлж байгаа тухай өгүүлнэ.Үүн дээр нэмээд Монголын өнөөгийн нийгмийн амьдрал, ороо бусгаа байдал, авилгал, үндсэрхэг үзэлтэй бүлэг гээд хэн хүний хөндөхөөс зайлсхийдэг хурц асуудлуудыг гадны хүний нүдээр хэрхэн бодитоор мэдэрч бичсэнийг уншихад маш сонин байх болов уу.....
Зохиолч: Ян Маноок
Орчуулсан: Н.Долгорсүрэн
Хуудасны тоо:615
