Бодит хүний түүхээс сэдэвлэн бичсэн уг роман нь хүйтэн дайны үеийн үзэл суртлын мөн чанар хийгээд өөрөөр сэтгэсэн, өөр тийш гишгэсэн хэнийг боловч ямар хувь тавилан хүлээж байсныг илчилжээ. Социалист нийгмийн коммунист үзэл суртал нь хэрхэн айдас хүйдсээр дамжуулан хүмүүсийн ухамсарт нөлөөлж, зөвхөн үндэстэн дотроо төдийгүй социалист орнуудын хүмүүс ч нэгнээ тагнаж хянадаг болж, улмаар амьдралыг нь сүйрүүлж байгааг энэ бүсгүйн түүхээр тод томруун харуулж, социализмын дотоод мөн чанарыг уудлан гаргаж өгсөн. Одоо цагийн зарим залуус “Социализм бол маш сайхан нийгэм байсан” гэх ташаа ойлголтод автаж байгааг залруулж, бодит ойлголт өгөх байхаа. Цаг үеийн түүхэн үйл явдлын учир холбоос, хүмүүс хоорондын харилцаа, хайр сэтгэл ба хагацал зовлон, хэлмэгдүүлэлтийн бодит түүхээр аялаарай.
Зохиолч: Д.Оюунчимэг
Хуудасны тоо:276
