Дэлхийн мэдлэгийг Монголдоо авчирлаа!
Монгол Улсын эдийн засгийн өсөлтийн хөдөлгүүр болсон үл хөдлөх хөрөнгийн салбарын хөгжилтөд хувь нэмэр болох, үл хөдлөх хөрөнгийн агент, брокер, үнэлгээчид болон салбарын мэргэжлийнхний мэдлэг боловсролыг дэмжин хөгжүүлэхэд чиглэгдсэн “Үл хөдлөх хөрөнгийн зарчмууд” ном худалдаанд гарлаа.
Энэхүү бүтээлийн зорилго нь үл хөдлөх хөрөнгийн салбарт ажиллаж байгаа мэргэжлийнхэн, ажиллахыг хүсэгчид, сонирхон суралцаж буй оюутнууд, судлаачдад үл хөдлөх хөрөнгийн талаар суурь мэдлэг олгох, шинэ ур чадварыг бий болгох, шинэ хандлагыг төлөвшүүлэх, үл хөдлөх хөрөнгийн салбарыг мэргэжлийн болон академик төвшинд хөгжүүлэхэд хувь нэмэр оруулахад оршино.
Үл хөдлөх хөрөнгийн тухай ерөнхий танилцуулга, Эрхүүд ба тэдгээрийн тодорхойлолт, Төрөл ангилал, Борлуулалтын арга зүй, Үл хөдлөх хөрөнгийн эдийн засаг, Хөрөнгө оруулалт ба санхүүжилт, Үнэлгээ, Эзэмшлийн удирдлага, зохион байгуулалт, Хөдөлмөр эрхлэлт, Бизнесийн ёс зүй ба хэм хэмжээ, Оролцогч байгууллагууд болон Хууль, эрх зүйн орчин гэсэн 12 бүлэг бүхий уг ном нь үл хөдлөх хөрөнгийн салбарт ажил үйлчилгээ эрхлэгчид, эрдэмтэн судлаачид, оюутан залуучууд болон нийт уншигчдад зориулагдсан.
“Үл хөдлөх хөрөнгийн зарчмууд” ном нь өргөн мэдээллийг агуулсан бөгөөд салбартаа энэ төрлийн анхны бүтээл болсноороо онцлогтой ба уншигчдын үл хөдлөх хөрөнгийн талаарх ойлголтыг дээшлүүлж, мэргэжлийнхний ажлын туршлага, ур чадварыг дэмжин хөгжүүлнэ.
Үл хөдлөх хөрөнгийн талаарх ойлголтоо дээшлүүлээрэй, эрдэм мэдлэгээ баяжуулаарай, туршлагаа хуримтлуулаарай...
Зохиолч: Р.Олонбаяр
Хуудас: 448
