Өнөөгийн цахим эринд хэрхэн бүтээлч байх, хэрхэн шинэ санаа сэдэж, түүнийгээ хөгжүүлэх, хэрхэн сайн бүтээл хийх тухай өгүүлсэн "Санаа авахаас бүү ай" хэмээх номыг танилцуулж байна. Энэ нь Атлантик сэтгүүлээс "интернэт дэх хамгийн сонирхолтой хүмүүсийн нэг" хэмээн үнэлсэн, бичих, зурах хос авьяастай Остин Клеоны бүтээл юм.
Цоо шинэ зүйл гэж үгүй тул бусдаас санаа, урам зориг авч, түүнийгээ цааш хөгжүүлэн өөриймшүүлэх санаанаас гадна гараасаа сайн бүтээл гаргах олон арга замыг яг л найзууд харилцан ярьж байгаа мэт энгийн ойлгомжтойгоор бичжээ. Товч хүүрнэл, сонирхолтой зураг, дүрслэлүүд, гойд бүтээлч хүмүүсийн дадал хэвшил, бодол санааг таниулах эшлэлүүд нь дурдсан санаануудыг ой тойндоо бат, хурдан шингээхэд туслах болно.
