Gantuya Azjargal:ШИНЭ ЭЭЖИЙН ТЭМДЭГЛЭЛ
Залуу ээжийн жирэмсэн үеэс хүүхэд 2 нас хүртэлх туршлага, дурсамжид суурилсан ном. Энэ нь ээжүүдийн сэтгэл санаанд “хань” болох зорилготой.
Хоёрдугаар хэсэгт 12 мэргэжилтний зөвлөгөөг ярилцлага хэлбэрээр багтаасан.
Хөл хүнд үеийн ээжийн сэтгэл зүй, биеийн эрүүл мэнд, амаржихад бэлдэх, хүүхдийн өдөр тутмын арчилгаа, хүүхдийн нойр, нэмэгдэл хүнстэй танилцах үе зэрэг хүүхэд өсгөх болон гэр бүлийн харилцаанд хамгийн чухал гэж үзсэн сэдвүүдээр шинжлэх ухаанч зөвлөгөөтэй. Энэ нь хүүхдээ эрүүл өсгөх, эрүүл харилцаатай гэр бүлийг бүтээхэд туслах болно.
Зөвлөхүүдээс дурдвал, сэтгэл зүйч Ж.Үйлст, Г.Маралгуа, эх барих эмэгтэйчүүдийн эмч Ц.Одонзул, хүүхдийн хоол зүйч Б.Номин, шим тэжээл судлаач "Сахар" номын зохиогч Л.Энхзул зэрэг 12 мэргэжилтэн хамтарч ажиллав.
