Дотроо найман үйл явдлыг багтаасан дэд хэсгүүдтэй. Хэсэг бүрийн хажуу хавтсанд үйл явдлын зургийг томоор гаргасан. Хүүхдийн сонирхлыг татахуйц өнгөлөг, сонирхолтой зургаар баяжуулсан бүтээл юм. Энэхүү номыг хүүхдэд ойлгомжтой хөнгөн үг хэллэг, утга найруулгаар бичсэн. Тиймээс 0-4 насны хүүхдүүд аав ээжээрээ уншуулахаас гадна бага ангийн сурагчид өөрсдөө унших дасгал хийхэд нэн тохиромжтой.
Зохиол бүрийн сэдэв хөгжилтэй, гомдомхой, итгэмтгий Эдүүн охины бодлоос урган гарсан бөгөөд төгсгөл бүрт хүүхдэд нэгийг ойлгуулж, гурвыг ухааруулах сургамж багтсан.
Цаашид цуврал болгон хүүхэд багачуудад хүргэхээр төлөвлөсөн. Энэ удаагийн 1 дүгээр дэвтэрт түлхүү Эдүүн охины бодол, хүсэл мөрөөдлийн талаар оруулсан. Харин хоёрдугаар дэвтэрт Эдүүний дүү болох Дэгдүүн хүүгийн бодол санаа, хүсэл мөрөөдлийн талаар тусгах юм.
Зохиолч: Б.Золзаяа
Хуудасны тоо: 17
