Энэхүү номонд хүний амьдралын нэгэн чухал үе болох тэтгэврийн амьдралын үе шатууд, тэдгээрийн онцлог, тухайн насанд тохиолддог сэтгэл зүйн төлөв байдал, түүнд өөрийгөө хэрхэн бэлтгэх, тулгарч болзошгүй асуудлаас сэргийлэх талаар мэдээллийг багтаасан. Мөн тэтгэврийн насаа аз жаргалтай, хүсэл тэмүүлэл, зорилго дүүрэн туулахад санаа өгөх зорилгоор амьдралдаа хийж, турших бүтээлч, хөгжилтэй олон санааг зураг, дүрслэлтэй оруулсан. Санал болгож буй зүйлсийн дийлэнх нь үүрэг хариуцлага багатай, зугаатай, сэтгэл хөдөлгөм байх тул олон хүн туршин хэрэгжүүлэх дуртай байдаг бөгөөд уншигч танд таалагдана гэдэгт итгэлтэй байна. Та өөрийн хайртай дотны хүмүүс аав ээж, өвөө эмээ, ах эгчдээ барих ЭРХЭМ НАНДИН БЭЛЭГ байх болно. Байгууллага хамт олон, найз нөхдийн хувьд ч нэгнийхээ хувь хүний хөгжилд оруулах үнэтэй хөрөнгө оруулалт болно. Таны бэлэг тэдний амьдралд гэрэл гэгээ, хүсэл тэмүүлэл, баяр баясал нэмэх нь гарцаагүй. Тэтгэвэрт гарна гэдэг нь ажил амьдралын нөр их ачаалалтай үеэс харьцангуй тайван хэмнэлээр өөрийгөө дахин шинээр нээх, хөгжүүлэх, чөлөөт цагаа өнгөрүүлэх, ололт амжилтаа дүгнэн цэгнэх зэрэг амьдралын шинэ хэмнэл, хэв маяг руу шилжих үе юм. Цаг хугацааны хувьд ч багагүй хугацааг эзэлдэг тул тэтгэвэртээ гараад ганцаардан уйтгарлалгүй, эдгээрээс хамгийн энгийн бөгөөд хөнгөнөөс нь эхлэж, цаашилбал түүнийгээ өөрийн сонирхол хобби, байнгын тогтмол хийдэг дадал болгон хөгжүүлэх боломжтой. Хэрэгжүүлсэн үйл ажиллагаагаа номын бүртгэх хэсэгт тэмдэглэн, цаашдын төлөвлөгөөндөө тусгаж, олон сайхан дурсамжийг хайртай дотны хүмүүстэйгээ хамтдаа бүтээгээрэй.
Зохиолч: Д.Хишигтогтох
Хуудасны тоо:113
