Өдөр бүрийн өнөөдрөөс амьдрал бүрдэнэ гэдэгтэй та санал нийлэх үү? Зөвхөн өнөөдрөө чухалчилбал өнөөдөр болон ирэх маргаашаа үгүй хийх муу тал бас бий. Тиймээс өнөөдрийн жаргал тань маргаашийн аз жаргалын эх сурвалж болж байх учиртай. Хүмүүн төрөлхтөн үүссэн цагаас эхлэн аз жаргалын эрэл хайгуул эхэлсэн бизээ. Энэхүү эцэс төгсгөлгүй эрэлийг мухарлаж, өдөр бүр энэ амьдралдаа сэтгэл хангалуун аз жаргалтай явахад тань энэхүү ном тус болох болов уу. Эдгээрээс гадна уг номонд хайр, дурлал хоёрын ялгаа, хүсэл шунал, уур хорслын ерөндөг зэрэг алдагдаж гээгдсэн уламжлалт ухагдахууныг орчин цагийн байдалд нийцүүлэн гаргасан нь мэдээллийн далайд зөв буруу, үнэн худал нь ялгагдахаа больсон өнөө цагт Монгол хүний оюуны дархлаанд нэмэр болохуйц, мөлжүүртэй бүтээл гэж дүгнэж болохоор байна. Мөн бүх зүйлд мухар сүсгээр бус учир шалтгааны үүднээс хандахын ашиг тусыг гаргаж ээ.
Зохиолч: Д.Мөнх-Эрдэнэ
Хуудас: 140
