залуу эхнэр

ЗАЛУУ ЭХНЭР

18'000

 

Бүтээгдэхүүн хүргэлт

Майн Рид
Хайр дурлал,адармаат сонин адал явдлын түүхийг
эрх чөлөө , шударга ёсны төлөө тэмцэгч баатруудын дүрээр гаргаж ирдэг алдарт шинэхэн орчуулга болох “Залуу эхнэр” романыг амтархан уншихад зохиолчийн туулж өнгөрүүлсэн амьдрал, хувь заяа, хайр дурлал, хүсэл мөрөөдөл, тэмцэл ялагдал, итгэл үнэмшил нь нүдний өмнө тодрох шиг болов. “Болсон бүхэн амьдралын шударга үнэний тухай жүжигтэй төстэй боловч бодит баримт юм” гэсэн зохиогчийн үг үүний баталгаа болно.

Нэгэн анчин залуу санаандгүй байдлаар хоёр бүсгүйг далайн түрлэгээс аварсанаар үйл явдал эхэлнэ. Үзэсгэлэнт залуу авхай нар болох үеэл эгч дүүс Жулия, Корнелия нар үл таних сайхан сэтгэлт “аврагч”-д сэтгэл татагджээ. Энэ хүмүүсийн зам хаана хэзээ дахин огтлолцож хувь заяа нь хаашаа эргэх бол гэсэн сониуч далдхан хүсэлд сэтгэлээ соронздуулж баатруудын үйл хөдөлгөөн бүрийг гярхай ажиглана. Энэ нууцлаг хүн бол эрх чөлөөний төлөө тэмцэгч ахмад Майнард бөгөөд түүнд нэг нууц өрсөлдөгч гарч ирсэн нь хуучны өшөөт танил торгон цэрэг явсан Свинтон гэх луйварчин байлаа. Эхнэртэйгээ хуйвалдан мөнгө олох, алдар нэрд хүрэхийн төлөө нүдээ ч ухахаас буцахгүй Свинтон хөзрийн луйварт гаршсан аргуудаа амьдралд туршиж үзэхээр шийджээ.

Эрх чөлөө, шударга ёсны төлөө тэмцэгч Майнард туулж өнгөрүүлсэн амьдралаасаа сэдэвлэн уянгын роман бичсэн нь нийгэмд тэсрэлт болох нь тэр. Гол баатар нь өсвөр насны охинд дурласан сэтгэлээ илчилсэн наманачлал маягтай. Хоёр жилийн өмнө мань эр хөлөг онгоцоор аялж явахдаа нэгэн баян язгууртны цэцэг цэврүү шиг ганц охиныг үхлийн аюулаас аварчээ. Алтан шаргал үстэй дур булаам тэр хөөрхөн охиныг Бланш гэнэ. Өөрийнх нь хүүхэд гэмээр тэр өсвөр охинд ухаангүй дурласан мань зоригт тэмцэгч хэзээ нэгэн цагт заавал эхнэрээ болгоно гэж “ам тангараг” өргөсөн аж. Хоёр жилийн хойно нөгөө охины 15 насны ойгоор ахмад Майнард уригдан очихдоо алдартай бестсэллэр номоо охинд өгч уншуулжээ. Тэр зохиолын гол баатрын хайртай хүн нь тэр охин уу, эсвэл энэ зүгээр нэг давхцал уу? Охины сэтгэлд юу бодогдсон бол. Ийм сонин ээдрээ гарч ирж байгаа юм.

Хайр дурлалын сахиусан тэнгэрүүд ямагт шударга үнэний талд зогсдог гэдгийг зохиолын баатруудын хувь заяа гэрчилнэ. Хүний урьдаас төлөвлөсөн, сонгосон амьдрал нь хувь заяаны эргүүлгээр огт өөр тийшээ эргэж байхад зарим нь хүсэл мөрөөдөлдөө хүрэх нь бий. Хайр дурлал гэдэг хүний сэтгэл зүрхнээс оргилж байдаг цэвэр тунгалаг уулын горхитой адил болохоор худал хуурмаг, бузар булай бүхэн түүнийг буртаглаж чадахгүй, үнэнч шударга, цэвэр ариун бүхэн хэзээд ялна гэсэн дуу хоолой түүний зохиолоос цуурайтаж байдаг билээ.
2018-04-11. Хөх Толбот Д.Төмөр-Очир